Somos dos que pensamos que o recurso humano é o primeiro activo das empresas de ocio e turismo. Biólogos, técnicos, guías, administradores e coordinadores que temos as ideas claras, sempre presididas polo respeto profundo das tradicións do mar, a conservación do medio mariño e a investigación científica como eixo para a renovación e mellora continua dos nosos servizos.

Un equipo de xovenes galegos, biólogos e científicos do mar con experiencia en investigación e desenrolo ambiental, que traballan por convertir o acuario nun medio para transmitir valores e mensaxes de conservación. Sempre con ferramentas científicas evalúan e elaboran as estratexias comunicativas do acuario, así coma os seus servicios turísticos, apostando pola calidade como selo de excelencia.

Este departamento centra a sua labor no coidado dos animais e o mantemento das instalacións. Técnicos en acuicultura e especialistas en acuarioloxía traballan a diario para que as nosas especies atopen a mellor calidade de vida posible nos nosos acuarios, cumprindo sempre coas normativas de control de calidade. Son os responsables tamén da corentena, donde moitas especies se recuperan de enfermidades ou se aclimatan para poder incluilas nos nosos tanques.

Contables e técnicos especialistas en xestión de empresas traballan a cotío para que as contas estean ao día. Tamén é necesaria unha labor comercial para poñer en valor as nosas instalacións e programas educativos. Sempre coa intención de que a comunidade coñeza o noso acuario e tódalas actividades que nel se desempeñan.

Queremos recibir a cada visitante como se merece, ofrecendo unha atención especializada e de calidade. Persoal con anos de experiencia, e especializado en ofrecer a cada visitante a imaxe de cercanía e familiariade que as nosas instalacións transmiten.